ILOILO— Nakuhaan sang mga pusil, drug paraphernalia kag suspected shabu ang transport leader nga ginserbihan sang search warrant sa Brgy. Tacas, Jaro.
Naga-arkila lang sa amo nga lugar ang subject nga si Warren, 37-anyos.
Suno kay Police Captain Dennis Losbañez, team leader sang Regional Police Drug Enforcement Unit (RPDEU) 6, masami nga nagapakita-kita sang iya pusil ilabe na sa social media si Waren.
Ginpahayag ni Losbañez nga duha tubtob tatlo ka semana nga gin-monitor sang pulis ang subject tubtob nahuman ang operasyon.
Na-recover sa subject ang caliber .45 pistol nga may 6pcs nga live ammunition, 9mm nga pusil kag duha ka sachets sang suspected shabu nga nagabug-at sang 1 gram kag may standard drug price nga P6,800.
