Ma-file sang Petition for Review sa Department of Justice ang Iloilo Police Provincial Office may kaangtanan sa kaso nga pagpatay kanday JP Bosque, Floyd Fernandes kag Mark Libao sa Estancia, Iloilo sang Setyembre 14 sang nagligad nga tuig.
Suno kay Police Major Nestor Bacuyag, designated spokesperson sang IPPO, ma-meeting sila sang pamilya sang mga biktima kaupod ang ila mga abogado.
Sa subong suno kay Bacuyag, wala pa nila mabaton ang resolution sang Provincial Prosecutor nga nag-deny sa motion for reconsideration nga gin-file sang Special Investigation Task Group PALIBOSFER ukon Parohinog-Libao-Bosque-Fernandes.
Disyembre sang nagligad nga tuig sang gin-dismiss sang prosecutor ang tatlo ka counts sang murder case batok sa onse ka mga suspects tungod sa kakulang sang probable cause.
