Crystal nga dingding sang restaurant nawasak sang ginbungguan sang salakyan sa City Proper

ILOILO CITY — Nawasak ang ding-ding nga crystal sang restaurant sang nabungguan sang Honda Jazz sa Valeria Street, City Proper subong nga hapon.

Suno sa driver nga si alyas Delia sang Oton, Iloilo, ma-park kun tani siya sa atubangan sang restaurant tungod nga magpang-grocery.

Gingiyahan siya suno sa iya sang barker kag ginpilit nga arangkahon ang hump rason nga nag-diretso ini sa sulod sang kalan-an.

Wala sang may napilasan nga customer sang restaurant.

Samtang napilasan naman ang lalaki sang na-side swipe sang salakyan nga natabuan yara sa lugar.