ILOILO — P442,000 nga balor sang suspected shabu ang na-recover sa fish dealer nga subject sa drug buy bust operation sa Brgy. Cruz, Barotac, Nuevo, Iloilo sang Marso 4.
Ginkilala ang nadakpan kay Gino Verona 30-anyos sang Bucaya, San Joaquin nga gin-classify sang police nga High Value Individual.
Suno kay Maj. Reagan Oriña, OIC sang Barotac Nuevo Police Station, madugay na nga gina-monitor sang mga operatiba si Verona nga naga-operate sa lain-lain nga lugar sa probinsiya. Nahibaluan sang mga otoridad nga may transaksyon siya sa Barotac Nuevo rason nga ila gin-operate tubtob nadakpan.
Dugang pa ni Oriña naga-transact kun kaisa paagi sa GCash si Verona pero nakumbinser nila nga ipaagi sa face-to-face ang ila transaksyon kabangdanan nadakpan ang subject.
Ginaprepararar na ang kaso nga ipasaka batok kay Verona nga preso na sa Barotac Nuevo Police Station. – via Aksyon sa Barangay
