Street level individual nadakpan sa drug buy bust operation sa San Rafael, Iloilo

ILOILO — Nadakpan sa drug buy bust operation ang ginakabig nga street level individual sa San Rafael, kahapon, Marso 9.

Ginkilala ang subject kay Joey Veswenue [VES-WEN-YO] sang Barangay Bagacay, San Rafael.  

Suno kay PLt Gener Buena sang San Rafael Police Station, nabaklan si Veswenue sang isa ka sachet sang suspected shabu sa balor nga P1,000 kag na-recover ang tatlo pa gid ka sachets sang illegal drugs, lighter, P290 kag motorsiklo.        

Ginpanginwala naman sang subject nga nagabaligya siya sang illegal drugs apang gin-ako nga drug user siya. — via ARI correspondent Joel Jocson