Enhanced LPTRP sang Iloilo City posible ipatuman sa Mayo

ILOILO CITY—Posible nga ipatuman sa Mayo ang Enhanced Local Public Transport Route Plan (LPTRP) sa syudad sang Iloilo.

Ini suno kay Engr. Joshua Gaquit, Transportation Development Officer sang LTFRB 6.

Ginahulat pa sang Iloilo City Government ang pinal nga kopya sang LPTRP agud pirmahan ni Iloilo City Mayor Jerry Treñas antes i-endorse sang LTFRB 6 sa LTFRB Central office.

Malawig pa ini nga proseso tungod mahulat pa nga issuehan sang notice of compliance ang city government kag amyendahan pa sang Iloilo City council ang LPTRP ordinance sang syudad suno pa kay Gaquit.

Ma-issue naman sang memorandum circular ang LTFRB 6 para sa implementasyon sang LPTRP.