Numero sang mga nurses sa Iloilo nagnubo sang 50% — PNA-Iloilo Chapter

ILOILO — Nagnubo sa 50% ang numero sang mga nurses sa Iloilo.

Ini ang ginpabutyag ni Philippine Nurses Association (PNA) – Iloilo Chapter, President, Franky Muzones.

Dugang pa niya, kalabanan sa mga nurses ang nagpasa sang mga resignation kadungan sang COVID-19 pandemic tungod sa tuman nga kakapoy nga ila nabatyagan; kakulang sang suweldo kag benipisyo nga mabaton halin sa gobyerno.

Nangin rason man ang mga delayed nga incentives sang mga nurses sa ila paghalin sa tagsa ka mga health facilities.

Nag-resulta man ang kakulang sa pagpanirado sang pila ka mga ward sa mga ospital tungod wala na sang may maatipan sa mga pasyente.

Kun may mga nurses nga nagateni,r tungod ini sa ila “loyalty” sa mga ospital nga ila napang-obrahan.

Sa kabug-usan may ginabanta 2,000 tubtob 3,000 ka mga nurses ang nagatrabaho sa Iloilo Province kag Iloilo City.