Nagapangatubang sang kaso nga graft sa Sandiganbayan Third Division sanday former Iloilo City Mayor Jed Patrick Mabilog kag incumbent City Councilor Plaridel Nava may kaangtanan sa towing and clamping services agreement sang siyudad sang 2015.

Sa desisyon sang Sandiganbayan, nag-intervene sanday Mabilog kag Nava sa ila official capacity sa pagtukod sang 3L towing services.  

Nag-ugat ini sa gin-file nga complaint affidavit ni Mr. Manuel Mejorada batok kay Mabilog sang Abril 23, 2015 tungod sa paglapas sa Anti-Graft and Corrupt Practices Act may kaangtanan sa kontrobersyal nga towing deal sang city government sa 3L towing services.   

Ang 3L Towing Services, ang pribado nga kompanya nga ipa-kontrata kuntani sang city government agud magkuha sang mga illegally parked vehicles, kag may 70 percent ang share sa revenue income samtang 30 percent naman ang sa city government. 

Matandaan nga nagatudlu-anay sanday Nava kag Mabilog kun sin-o ang matuod-tuod nga tag-iya sang 3L towing services.  

Ginpahayag ni Nava nga si Mabilog ang nagsuhestyun nga mahimo sang private company nga mahatag sang clamping services, mangita sang dummy kag mag-estimate sang cost and expenditures sang negosyo.  

Gin-ako naman ni Nava nga ginsunod niya si Mabilog kag ginpalapitan si Lenny Garcia agud hayuluhon nga mangin dummy sang alkalde.          

Enero 2018 sang ginmandu ni Ombudsman Conchita Carpio Morales ang pag-dismiss sa serbisyo kay Mabilog matapos napamatud-an nga guilty sa Grave Misconduct, Serious Dishonesty kag Conduct Prejudicial to the Best Interest of the Service. 

September 2017, nagmandu ang Ombudsman sang filing sang kaso nga graft kay Mabilog.

Ini ang ikaduha nga dismissal order batuk kay Mabilog.   Sang Oktubre, 2017, ginserbe ang dismissal order kay Mabilog bangud sa alleged unexplained wealth.

RELATED STORIES:

https://bit.ly/3MKKuqZ (Mayor Mabilog kag Cuncilor Nava nagdulot ang kaso nga ginpasaka sa isa kag isa may kaangtanan sa kontrobersyal nga deal sa tunga sang City government kag 3L Towing Services ang 2015)

https://bit.ly/3o8bAxZ (Mayor Jed Patrick Mabilog kag Councilor Plaridel Nava gin-indict sang Ombudsman sa kaso nga Graft)

https://bit.ly/3UN487L (Ombudsman nag-isyu sang ikaduha nga dismissal order batok kay former Mayor Jed Patrick Mabilog)