Una nga kaso sang XBB.1.16 Omicron subvariant ukon ‘Arcturus’ na-record sa Iloilo province

Na-record sa Iloilo province ang una nga kaso sang XBB.1.16 Omicron subvariant ukon “Arcturus.” 

Ini ang ginkumpirmar sang Department of Health Region 6 makaligad gin-anunsyar nga na-detect sa pungsod ang una nga kaso sang nasambit nga subvariant.   

Base sa latest biosurveillance report, asymptomatic ang pasyente kag naka-recover na. 

Suno sa DOH, ang XBB.1.16, sublineage sang XBB subvariant nga gindugang sang World Health Organization (WHO) kag European Centre for Disease Prevention and Control sang nagligad nga bulan.

Ginpaathag sang DOH nga base sa mga ebidensya para sa XBB.1.16, wala ini sang kinalain sa disease severity kag clinical manifestations kun ikumparar sa original Omicron variant. 

Sa sequence submissions sa Global initiative on sharing Avian flu data, na-detect ang XBB.1.16 subvariant sa 33 ka mga pungsod ukon judisdictions sa anum ka continents.