Gindeklarar nga over-all champion ang Iloilo sa bag-o lang nagtakop nga Western Visayas Regional Athletic Association Meet (WVRAA) 2023 nga ginhiwat sa Aklan Sports Complex, Makato, Aklan kahapon, Abril 30.
Nakuha sang Iloilo ang over-all champion sa elementary kag secondary level regular events kag Para Games.
May kabug-usan nga 172 ka mga gold medals ang nahakot sang Iloilo samtang 119 ka mga silver medals kag 83 bronze medals.
First runner-up naman ang Negros Occidental nga may 147 ka mga bulawan nga medalya, 137 ka mga silver medals kag 109 ka mga bronze medals.
Nangin second runner-up naman ang Aklan nga may 32 ka gold medals, 58 ka silver medals, kag 93 ka bronze medals.
