ILOILO — Magahatag sang cash incentives si Passi City Mayor Stephen Palmares sa mga atleta sang siyudad nga makapauli sang medalya sa 66th Palarong Pambansa sa Agusan Del Sur.
Suno sa alkalde, hatagan sang P30,000 ang Gold medalist, P20,000 sa Silver medalist, kag P10,000 sa Bronze medalist.
May walo ka mga atleta ang Passi City nga naga-compete subong sa Palarong Pambansa sa diin may nagdaug na nga isa ka gold kag apat ka silver.
Dugang pa ni Palmares nga magabaton man sang tag-P5,000 nga cash incentives ang coaches kag trainers kon magdaug sang medalya ang ila atleta.
Ginpaathag sang alkalde nga sang Western Visayas Regional Athletic Association (WVRAA) naghatag man siya sang cash incentives sa mga nagdaug nga mga atleta.
Nagsumiter naman si Palmares sang intention sa Department of Education agud mag-bid nga hiwaton sa Passi City ang Palarong Pambansa 2028.
