ILOILO CITY — Pasakaan sang kaso subong nga adlaw ang 29-anyos nga doktor kag driver sang awto nga naka-hit-and-run sa baligyaan kag nagtuyo nga magbunggo sa pulis nga nag-responder sa Caingin, La Paz.

Suno kay Police Major Sonny Boy Garnace, hepe sang La Paz Police Station, direct assault kag attempted homicide sa paggamit sang salakyan sang gintuyo sang doktor nga bungguan ang pulis nga nag-responder.

Ang tatlo ka pulis ang tagreklamo, suno kay Garnace.

Samtang, mapasaka man sang reckless imprudence resulting in damage to property Traffic Enforcement Unit (TEU) tungod sa baligyaan nga nabungguan sa Baldoza.

Naka-ospital arrest ang doktor tungod sa pilas nga naagum sa tiyan.