ILOILO— Nakuhaan sang suspected marijuana ang pasahero sa Dumangas port nga mapauli kuntani sa Bacolod City.
Suno kay Police Major Kenn Albert Lepsia, hepe sang Dumangas Police Station, naghalin sa Iloilo City si alyas John, 24-anyos kag papuli na kuntani sa Bacolod City.
Nakita sang screener sa inspection sa port kagab-i nga nagabukol ang sling bag ni John gani ginpabuksan sa iya.
Sang ginbuksan, nakita ang plastic container sang suspected dried marijuana leaves
Gin-ako sang suspek nga marijuana ang iya ginadala.
Ginabanta nga nagabug-at sang 3grams ang marijuana nga may standard drug price nga P600.
Mas ginpasangkad ang pagbantay sang kapulisan sa port sang Dumangas.
