ILOILO — Pangunahan na sang National Police Commission ukon NAPOLCOM 6 ang motu proprio investigation sa tatlo ka pulis nga nagtiro sa awto nga nagpalagyo sang nabungguan ang baligyaan sa Baldoza, La paz.
Suno kay Atty. Michelle Yotoko, spokesperson sang NAPOLCOM 6, may sulat na sila nga ginpadala sa Iloilo City Police Office (ICPO) nga sila na ang mapadayon sa imbestigasyon agud maathagan kon may ginlapas sa Standard Operating Procedure (SOP) ang tatlo ka pulis nga nagtiro sa awto sang naabtan nila sa Caingin, La Paz.
Sa subong, suno kay Yotoko prioridad nila nga matapos gilayon ang ila imbestigasyon agud mahatagan na sang kaathagan ang tanan.
