Driver sang motorsiklo patay sang nabungguan sang taxi sa Pavia

ILOILO — Dead-on-arrival sa ospital ang driver sang motorsiklo sang nabungguan sang taxi sa Brgy. Ungka 1, Pavia kahapon, Mayo 7.

Ginkumpirmar ni Police Staff Sergeant Ronnie Labiaga, traffic investigator sang Pavia Municipal Police Station nga napatay ang driver sang motorsiklo nga si Antonio Verano, 49 anyos tungod sang pilas sa ulo.

Ginpabutyag sang driver sang taxi nga si Angelito Pango, 60 anyos

nga padulong siya sa direksyon sang Pavia sang gulpi lang nagguwa halin sa U-turn slot si Verano rason nabungguan niya.

Tungod sini, nagtabog sang ginabanta 100 metros si Verano nga wala sang suksok nga helmet.

Ginpahayag naman sang pasahero sang taxi nga si Maribel nga madasig ang pagmaneho ni Pango halin pa sa Diversion Road, Mandurriao.

Gin-detain si Pango sa Pavia Police station.