Buhang Flyover, buksan sa masunod nga semana — DPWH Iloilo City DEO

ILOILO CITY – Ginpasalig sang Department of Public Works and Highways (DPWH) Iloilo City District Engineering Office nga mabuksan na ang Buhang Flyover sa Jaro sa masunod nga semana.

Ini suno kay Engr, Edward Sudario, Chief sang Construction Department sang DPWH Iloilo City DEO.

Ginpa-athag niya nga naulihi ang pagbukas sang flyover tungod sa mga “minor” works nga gin-obra ang kontraktor agud mapasiguro nga mangin fully operational ini.

Ginkumpirmar man ni Sudario nga posible may mga national officials nga maabot sa pagbukas sang flyover apang wala pa siya sang ideya tungod yara ang desisyon sa DPWH regional office 6.

Wala sang nakit-an nga displacement ukon pag-usmod sa flyover.

Una nga ginpahayag ni DPWH 6 Assistant Regional Director Engr. Jose Al Fruto nga buksan ang Buhang Flyover sa Marso ukon Abril pero wala matabu. –via Cedrick Anona