Lalaki nga ginreklamo nagkawat sang kagamitan sang Japanese national sa Aklan nadakpan sa hotel sa Iloilo City

Nadakpan sa hotel sa Iloilo City ang lalaki nga ginpahayag nagkawat sang kagamitan sang Japanese National sa Caticlan, Aklan.

Suno kay Police Lieutenant Colonel Antonio Benitez Jr., OIC sang City Drug Enforcement Unit (CDEU), ginreklamo si James Tayumo nga nagkawat sang gadgets, relo, kwarta kag iban pa nga gamit sang biktima sa iya opisina kaina sang aga.

Gilayon nga gin-report sang Japanese national ang insidente kag naghimo sang intelligence operation ang police.

Nagpamalibad nga magpa-interview ang arestado.