Malapit P500K nga balor sang suspected shabu na-recover sa buy bust operation sa Lapuz

Malapit tunga sa milyon ka pesos nga balor sang suspected shabu ang na-recover sang mga otoridad sa 32-anyos nga subject sa buy bust operation sang taga-City Drug Enforcement Unit sa Brgy. Bo. Obrero, Lapuz mga las-7:30 kagab-i, Hunyo 7.

Ginkilala ang nadakpan kay Jomare Porras, residente man sang nasambit nga barangay.

Nakuha kay Porras ang isa ka sachet sang suspected shabu nga buy bust item kag P10,000 nga buy bust money.

Na-recover pa gid sa iya ang lima ka mga sachets sang ginapatihan shabu, cellphone, 38 caliber revolver nga may apat ka mga bala kag sling bag.

Preso na ang subject sa La Paz Police Station.