ANTIQUE — Nakabaton sang Gold Eagle Award ang walo ka police station sa Antique subong nga adlaw.
Ang mga police station nga nakabaton sang award ang mga masunod: San Jose Municipal Police Station (MPS); Valderrama MPS; Sibalom MPS; Tobias Fornier MPS; Belison MPS; Barbaza MPS; Hamtic MPS; kag Culasi MPS.
Samtang, nakabaton man sang kasubong nga award ang First Antique Mobile Force Company.
Nakabaton man sang Silver Eagle Award ang mga masunod nga police stations: Anini-y MPS; San Regimio MPS; Patnongon MPS; Bugasong MPS; Laua-an MPS; Tibiao MPS; Sebaste MPS; Pandan MPS; Caluya MPS; Libertad MPS kag ang Second Antique Mobile Force Company.
Ginpangunahan ni Police Brigadier General Randulf Tuaño, director sang Police Regional Office (PRO 6) ang paghatag sang award sa mga pulis.
Antes hatagan sang award ang mga pulis, gina-evaluate ang mga local police units sa ila organizational transformation, accountability, kag operational efficiency.
