14-anyos nga solterito patay sang nalumos sa Aganan River sa San Miguel

SAN MIGUEL, ILOILO–Patay na sang nasapwan ang 14-anyos nga solterito sang nalumos sa Aganan River sa Brgy. Sto. Niño, San Miguel pasado las-3 sang hapon sang Hunyo 17.

Suno kay PSMS Ricardo Santuyo, imbestigador sang San Miguel Municipal Police Station, nakita pa sang iya mga upod nga naglangoy ang solterito upod ang iya utod kag mga abyan sa suba, apang makaligad ang pila ka oras wala na siya nakit-an.

Gindala pa sa ospital sang San Miguel Emergency Response Team ang solterito pero wala na natabangan.

Ma-request sang autopsy ang pamilya sang solterito agud mahibaluan kun may foul play sa iya pagkalumos.