Mayor Jerry Treñas wala ginatolerar ang aktuwasyon sang taxi driver nga ginreklamo nang-harass sang transgender nga pasahero

Wala ginatolerar ni Iloilo City Mayor Jerry Treñas ang pagbinastos sang mga taxi drivers sa syudad.

Ini ang ginpahayag sang alkalde sang nagreklamo ang transgender nga pasahero nga ginbastos siya sang driver sang taxi nga iya ginsakyan kahapon sang hapon halin City Proper pa-Lapuz.

Ginpabutyag ni Treñas nga naga-coordinate siya sa Land Transportation Franchising and Regulatory Board (LTFRB) paagi kay Public Safety and Transportation Management Office (PSTMO) head Jeck Conlu sa posible ila mangin aksyon batok sa ginareklamo nga driver.

Suno sa iya, ginatun-an na sang LTFRB ang posible mangin penalidad sa taxi operator.