ILOILO— Nagbilin sang P16 million nga balor sang kahalitan ang sunog sa Barangay Poblacion Norte, Balasan kagab-i.
Suno kay Senior Fire Officer 3 Juben Lopez, Acting Fire Marshal sang Balasan Fire Station, nag-umpisa ang kalayo sa 2nd floor sang commercial establishment kag naglaton sa first floor.
Nagaserbe nga stock room ang second floor samtang grocery store naman ang nahamtang sa first floor.
Naupos sang kalayo ang stock room samtang wala natam-an ang grocery store.
Naglab-ut sa 3rd alarm ang sunog kag nag-augment ang personnel sang Estancia, Batad, Carles, Sara, San Dionisio kag Pilar Fire Stations.
Las-6 na kaina sang aga gindeklarar nga fire out.
Ginpabutyag ni Lopez nga kalabanan sa mga nasunog ang human sa plastic gani nagabalik ang kalayo kag nadugayan sila sa pagdeklarar nga fire out.
