Napasa na sang City Legal Office kay Mayor Jerry Treñas ang resulta sang ila imbestigasyon sa mga empleyado, kag opisyales sang Iloilo City Hall nga ginreklamo nga pwersa nga nagapautang sa mga job hires kag sa mga empleyado.
Suno kay Atty. Joseph Areño, sa apat tubtob anum ka mga empleyado kag opisyal nga una ginpahayag nga involve sa pautang, duha ang nakitaan sang merito.
Ginpahayag ni Atty Areño nga ginrekomendar nila ang paghatag sang appropriate action batuk sa isa ka Executive Assistant samtang ang isa naman ka empleyado ang ginatugyan nila sa Office of the Ombudsman tungod may existing na nga kaso.
Sworn affidavits sang mga empleyado kag anay empleyado sang City Hall ang ginbasehan sang City Legal Office sa ila rekomendasyon.
Nagadepende naman kay Mayor Jerry Treñas kun ano ang mangin aksyon may kaangtanan sa rekomendasyon sang Legal Office.
