ILOILO CITY – Na-record ang una nga kaso sang Japanese Encephalitis sa siyudad sang Pebrero subong nga tuig.
Sa data sang City Health Office (CHO), apat ka tuig nga bata nga babaye halin sa Sto. Niño Sur, Arevalo, ang pinakauna nga kaso.
Suno kay Dr. June Frances Umani, isolated case ini tungod wala na nasundan ang kaso sang Japanese Encephalitis sa syudad.
Ginpahayag ni Dr. Umani nga nagbatyag sang pabalik-balik nga hilanat ang bata sang Pebrero, pero ginkumpirmar sa iya Cerebrospinnal Fluid nga Japanese Encephalitis sang Hunyo 5.
Nag-ayo naman ang bata kag wala sang epekto sa iya ang Japanese Encephalitis, suno kay Dr. Umani.
