ILOILO — Natumba ang 6-wheeler truck nga may karga nga 60 ka baboy kagab-i, Hunyo 28.
Suno kay Jimmy Delgado, 62-anyos, driver sang truck, na-out balance ang iya ginamaneho nga truck sa intersection sang Bangga Bante, Brgy. Jalaud Norte, Zarraga.
Posible suno kay Delgado nga natumba ang truck tungod sa kabug-aton sang karga.
Sa 60 ka baboy nga karga, 59 ang buhi kag 1 ang patay.
Halin sa Antique ang mga baboy kag dal-un sa Ajuy.
Wala naman napilasan ang driver kag duha niya ka pahinante.
