ILOILO – Ginkakibot sang mga residente sa Brgy. Cabanbanan, Oton ang nadangtan sang 11-anyos nga bata sang gingulgulan sa liug sang iya 41-anyos nga iloy.
Suno kay alyas Diding, gindumdom niya nga ginhapo lang ang amay kag nagahilibiun, pero sa ulihi natukiban nga nasapwan sa kwarto ang iya bata nga patay na.
Base sa initial nga imbestigasyon, nagpauli ang 47-anyos nga amay halin sa pagtanum sang mga utanon sa ila uma para sa ila negosyo.
Wala na nakita sa ila balay ang iloy tungod nahibaluan nga nagpauli siya sa ila balay sa Dingle pagkatapos sang krimen. Na-recover ang kutsilyo sa ikaduha nga panalgan sang balay sa diin nasapwan ang biktima.
Ginkumpirmar sang lola sang biktima nga may nervous breakdown ang iya umagad tungod ginpabulong pa siya sang iya bana makaligad nahulugan sang duha ka beses. Padayon naman nga nagatomar sang bulong ang iloy suno sa pagpangusisa sang Oton police.
Sa subong, detained sa Oton Municipal Police Station ang iloy makaligad gindala sang iya pamilya.
