ILOILO—Lima ka sakayan ang nadakpan nga naga-illegal fishing sa kadagatan sang Punta Buri, Ajuy, las-5 kahapon sang kaagahon, July 5.
Suno kay P/LT, General Enrique Robles, hepe sang Ajuy Municipal Police Station, na-monitor sang Task Force Bantay Dagat sa ila pagpatrolya halin sang gab-i nga may lima ka fishing boats sa area nga naga-illegal fishing rason nga ginkadtuan nila kag nadakpan ang ginahimo sang mga crew sang sakayan.
Wala sang lisensya sa pgpangisda ang mga sakayan, suno sa police.
Lima ka crew ang taga-Victorias, Negros Occidental kag isa ang taga-Jamindan, Capiz.
Gin-impound sang police ang mga fishing boats, ginkumpiskar ang mga isda kag gamit sa pagpangisda kag ginpamulta ang mga crew sang P12,000 para sa first offense.
Ginpahanumdom man sila sang police nga pasakaan sang kaso kun liwat nga madakpan nga naga-illegal fishing sa kadagatan sang Ajuy.
