₱200 million crop damage tungod sa dry spell na-record sa 12 ka mga banwa sa Iloilo Province

ILOILO—Naglab-ut sa ₱200 million ang na-record nga crop damage sa 12 ka kabanwahanan sa Iloilo Province nga apektado sang dry spell dala sang ‘very strong’ El Niño.

Suno kay Iloilo Provincial Acting Agriculturist Geron Magbanua, apektado sang tig-ilinit amo ang mga humayan, maisan, kag high value commercial crops (HVCC) sang 9, 472 ka mga mangunguma sa probinsya, sa diin ginabanta 6,752.15 hectares ang kalaparon sang kahalitan.

Nalakip sa mga banwa sa probinsya nga apektado sang dry spell ang:

• Lambunao

• San Enrique

• Dueñas

• Banate

• Janiuay

• Bingawan

• Lemery

• Concepcion

• Estancia

• Sara

• Alimodian

• Badiangan

Matandaan nga ang Dueñas ang na-record nga una nga nagdeklarar sang state of calamity tungod sa dry spell.