ILOILO — Nakuhaan sang ₱1.904 million nga balor sang suspected shabu ang duha ka ginakabig high value individual kag Regional Top Priority Target sa drug buy bust operation sa Savannah Subdivision, Barangay Polo Maestra Vita, Oton sang Nobyembre 6.
Resulta ini sang masobra isa ka bulan nga surveillance, intelligence gathering kag case build-up batuk sa duha ka subject nga involved sa distribution sang illegal nga druga sa siyudad kag probinsya sang Iloilo.
Base sa imbestigasyon sang Regional Police Drug Enforcement Unit 6 kag Oton Municipal Polcie Station, may mga kaso sadtu may kaangtanan sa illegal nga druga ang mga subjects nga sanday alyas Mel, 54-anyos sang Oton, kag alyas Ken sang Mandurriao.
Nadakpan ang mga subject matapos nagbaligya sa police poseur buyer sang isa ka sachet sang suspected shabu nga nagabalor sang ₱13,000.
Na-recover sang operatiba ang 280 grams sang suspected shabu, ₱13,000 nga buy bust money, ₱500 nga ginapatihan proceeds sa illegal drug transaction, duha ka cellphones kag iban pa nga drug kag non-drug items.
