Masobra P360K nga balor sang suspected shabu na-recover sa drug buy bust operation sa sulod sang lodging house sa La Paz

ILOILO CITY — Arestado ang 32-anyos nga lalaki sa drug buy bust operation sa sulod sang lodging house sa La Paz.

Ginkilala ang subject kay Mark Pajate sang Rizal Lapuz Sur, Lapuz.

Suno kay Police Captain Roque Gemino III, team leader sa City Drug Enforcement Unit (CDEU), tatlo ka semana nga gin-monitor ang subject antes nadakpan nga naga-engage sa illegal nga aktibidad.

Nakuha sang police ang 13 ka sachets sang suspected shabu nga nagabug-at sang 53 grams kag nagabalor sang ginabanta P360, 400.

Nagpamalibad nga magpa-interview ang subject.

Gina-validate sang police ang ginbuyagyag ni Pajate nga ginakuhaan niya sang supply sang illegal drugs nga kanday alyas Roel kag alyas Nog-nog sang Desamparados, Jaro.

Si Pajate ang nakaagi preso sang 2016 kag nakaguwa sang 2020, suno sa police.