Iloilo City—Masobra sa P1 million pesos nga balor sang suspected illegal drugs ang na-recover sa drug buy bust operation sa Barangay Bakhaw, Mandurriao pasado las 9:00 kagab-i, Agosto 9.
Nakuhaan sang 150 grams nga balor sang suspected shabu si Giovanni Gozon, 32-anyos sang amo man nga barangay.
Nabaklan sang isa ka sachet sang suspected shabu ang subject sa balor sang P12,000.
Magluwas sini, nakuhaan pa gid ang subject sang lima ka sachets sang suspected illegal drugs kag drug paraphernalia.
Ginakabig sang mga operatiba nga High Value Individual ang subject tungod naka-agi na preso sang 2022 sa amo man nga kaso.
