ILOILO — Patay ang nobya nga naga-angkas sa motorsiklo sang na-aksidente sa Sitio Kamanawon, Barangay Passi, Igbaras las 8:00 kahapon sang aga.
Napilasan sa ulo si Zinah Galang, 19-anyos, nga gintunaan sang iya kamatayon. Pilason naman ang iya nobyo nga si Emanuel Zalasan, 19-anyos. Lunsay residente sang Jaro ang duha.
Base sa report sang Igbaras police, pauli na ang mga biktima sang nadulaan sang kontrol sa manibela ang driver sa dulhugon nga parte sang karsada rason nga natumba.
Nakaigo sa bato ang ulo sang babaye nga dead-on-arrival sa ospital samtang napilasan sa paa ang lalaki.
