ILOILO — Patay ang 57-anyos nga lalaki sang nakuryente sa Brgy. Balanti-an, Balasan kaina sang aga.
Ginkilala ang napatay kay Tobias Quillan.
Suno kay Police Captain Alexander Lauron, hepe sang Balasan Municipal Police Station, las-7:30 kaina sang aga sang nadiskubrehan sang upod niya sa balay nga si Roland Billena nga nagahigda si Quillon sa idalum sang chassis sang truck nga wala na naga-andar kag sunog na ang dughan kag tuhod.
Base sa imbestigasyon sang police, nagpangbubod si Quillan sang iya mga manok mga las-6:30 kaina sang aga kag nauyatan ang truck nga may naka-angut nga live wire sa wiper rason nga nakuryente.
Ginhingagaw pa dala sa ospital si Quillan pero gindeklarar nga dead-on-arrival.
