ILOILO — Nagapangayo sang police assistance sa Barotac Nuevo Municipal Police Station ang amay nga naaktuhan ang iya bata nga nagagamit sang illegal nga druga sa ila balay sa Brgy. Linao, Barotac Nuevo kahapon sang aga, Agosto 22.
Suno kay Police Major Jose Nemias Pamplona, Officer-in-charge sang Barotac Nuevo MPS, nagpangayo sang bulig ang amay nga si Leo Latoza tungod naaktuhan niya nga nagagamit sang illegal nga druga ang iya bata nga ginkilala kay Maphil Latoza, 28-anyos. Dugang pa niya, tokhang surrenderer kag na-aresto na sang 2016 si Maphil pero nakaguwa tungod sa plea bargaining.
Posible sa Iloilo nagakuha sang supply sang drugs si Maphil, suno sa police.
Na-recover kay Maphil ang isa ka sachet sang suspected shabu, 7 ka aluminum foil kag mga non-drug items.
Detained na sa Barotac Nuevo police si Maphil.
