9 ka banwa sa Antique apektado sang baha kag landslide tungod sang enhanced Habagat

Nag-evacuate ang 770 ka pamilya sa siyam ka mga banwa sa Antique tungod sa baha kag landslide tuga sang pag-ulan nga dala sang habagat.

Ang siyam ka banwa nga apektado amo ang Sibalom, Valderama, Anini-y, Patnongon, Tobias Fornier, Belison, San Jose, Bugasong, kag Hamtic.

Suno kay Mr. Roderick Train, Provincial Disaster Risk Reduction and Management Office Head sa Antique, napanghatagan na sang food packs ang mga apektado.

Padayon naman ang ila monitoring sa iban pa nga banwa.