ILOILO CITY — Mapahamtang man sang Cooling Hub malapit sa ila nga mga establisyemento ang Citadines Amigo kag Robinsons Place Jaro, suno kay Mayor Raisa Treñas.
Subong nga adlaw gin-meeting sang alkalde ang mga representante sang pribado nga sektor kag ila ginpabutyag ang pagtukod sang cooling hub pareho sa siyudad.
Samtang, ang Festive Walk Mall may napahamtang na nga cooling hub nga bukas sa publiko halin las-9 sa aga tubtob las-5 sa hapon.
Ini ang tatlo ka mga pribado nga kompaniya nga una na ginpahibalo ni Treñas nga nag-pledge nga mapahamtang man sang cooling hubs.
Ginapaabot sang alkalde nga madugangan ang halin sa private sector nga ma-upod sa pagtukod sang cooling hubs.
“This effort shows that when we work together, nothing is impossible and everyone benefits, especially in addressing the challenges brought by extreme heat,” pahayag sang alkalde. — Aksyon Marvin Malificiar
