ILOILO CITY—Masobra tunga sa milyon ka pesos nga balor sang suspected shabu ang na-recover sa tatlo ka mga nadakpan sa drug buy bust operation sa Brgy. Hipodromo, City Proper las-12:10 kaina sang kaagahon.
Ginkilala ang mga nadakpan kanday Joshua Singson, 26-anyos nga gin-classify sang police nga High Value Individual drug personality sang Bonifacio, Tanza, City Proper; John Ray Lozada kag Noel Drilon , lunsay sang City Proper.
Ginhimo ang operasyon sang City Drug Enforcement Unit (CDEU).
Na-recover ang 51 ka sachet sang suspected shabu nga nagabug-at sang 80 grams kag may Standard Drug Price nga P544,000; P10,000 buy bust money kag mga non-drug items.
