ILOILO —Naglain ang pamatyag sang 39 ka mga estudyante samtang naga-earthquake drill sa Roberto H. Tirol High School sa Concecpcion las-2:30 kahapon sang hapon.
Suno kay Mr. John Bryan Gabayeron, Officer-In-Charge sang Concepcion MDRRMO, sunod-sunod nga naglain ang pamatyag sang pila ka estudyante pagkatapos sang simultaneous earthquake drill.
Ginpabutyag ni Gabayeron nga posible natabo ini tungod sa mainit nga panahon.
Sa 39 ka naglain ang pamatyag, anum ang gindala sa Sara Rural Health Unit, suno kay Gabayeron. Out patient na lima sa ila samtang nagapabilin ang isa ka estudyante sa RHU tungod base sa assessment sang MDRRMO may heart failure siya.
Ginbawalan na nga mag-intra sa masunod nga mga drills ang 39 ka mga estudyante tungod kalabanan sa ila maluya ang respiratory system kag may asthma pa ang iban, suno kay Gabayeron.
