ILOILO — Dead-on-arrival sa ospital ang alumna sang Far Eastern University nga kabahin sang FEU Women’s Basketball Team sang na-aksidente sa Barangay San Antonio, Ajuy.
Suno kay Police Corporal Ramonsito Sañada sang Ajuy Police Station, halin sa Poblacion si Precious Angel Arellado kag papuli na sa Barangay Pili sa amo man nga banwa sang naaksidente sa iya ginamaneho nga motorsiklo.
Nagaguwa sa imbestigasyon sang police nga nagtabog si Arellado kag nagtupa sa talamnan nga may tubig nga posible gintunaan sang iya pagkalumos.
Nagpalab-ut sang mensahe sang pagkasubo ang FEU Athletics sang nahibaluan ang natabu sa ila anay player.
Si Arellado ang lima ka tuig nga nangin miembro sang FEU Lady Tamaraws kag nagserbe nga team captain sa iya senior year.
