ILOILO CITY — Naglab-ut sa P2.5 million nga balor sang suspected shabu ang na-recover sang Regional Police Drug Enforcement Unit 6 sa drug buy bust operation sa Brgy. Sto. Niño Norte, Arevalo pasado las 12:00 kaina sang kaagahon.

Nadakpan sa operasyon sanday Melbert dela Cruz, 41-anyos sang Aklan kag April Joy Batayola sang Brgy. Calaparan, Arevalo.

Suno kay Police Captain Glenn Soliman, OIC sang RPDEU 6, base sa ila nga monitoring sanday dela Cruz kag Batayola, ang isa sa mga dalagku nga distributors sang illegal drugs sa Iloilo City kag Kalibo.

Sanday dela Cruz kag Batayola ang ginpahayag distributors ni Rene Boy “alyas RB” nga preso subong sa New Bilibid Prison.