Iloilo City—Masobra sa P800,000 nga balor sang suspected shabu ang na-recover sa drug buy bust operation sa Brgy. Simon Ledesma Jaro las 12:10 kaina sang kaagahon.
Pito ang mga nagkaladakpan nga kanday Marcelino Baron (HVI); Roy Huertas (HVI); Addison Maloto (SLI); Ken Sean Omelig (SLI); Janniel Selayro (SLI); Carmelo Abane (SLI); kag Mary Magdalena (SLI).
Na-recover sa mga nagkaladakpan ang 16 ka plastic sachets sang suspected nga nagabug-at sang 125 grams kag nagabalor sang masobra P800,000.
Magluwas sa suspected shabu, nakuha pa gid sa ila ang P10,000 nga buy bust money, tatlo ka improvised tooters, duha ka disposable lighter, aluminum strips, isa ka budle sang transparent empty plastic sachet kag red coin purse.
Preso na ang mga nagkaladakpan sa Jaro Police Station.
