Ret. Col. Uldarico Garbanzos bag-o nga head sang Traffic Management Unit; Jeck Conlu magapabilin nga PSTMO head samtang ginahulat ang appointment sang LTFRB

Nag-assume na bilang bag-o nga head sang Traffic Management Unit si Retired Colonel kag subong Executive Assistant Uldarico Garbanzos.

Ginkumpirmar ni Garbanzos nga nag-turn-over na sila kahapon ni Public Safety and Transportation Management Office head Jeck Conlu kasunod sang pagperma ni Mayor Jerry Treñas sang Executive Order 154 nga nagatukod sa Iloilo City Traffic Management Unit.

Suno kay Garbanzos, mapabilin bilang head sang PSTMO si Mr. Jeck Conlu samtang ginahulat ang official appointment niya sa Land Transportation Franchising and Regulatory Board.

Sa proseso, dapat amendaran pa ang ordinansa nga nagatukod sa PSTMO agud pormal nga ma-separar ang Traffic Management sa Public Safety Office.