Issue sa mining exploration sa Pan de Azucar Island sa Concepcion, Iloilo nakalab-ut na kay Gov. Defensor

ILOILO – Nakalab-ot na sa atensyon ni Governor Arthur Defensor, Jr. ang mining exploration nga ginahimo sang isa ka kompaniya sa Pan De Azucar Island sa Concepcion.

Suno kay Defensor, ipatawag niya ang representative sang kompaniya agud usisaon ang mga permits kag hibaluon kun paano sila naka-umpisa sa pagmina sa isla.

Ginpahayag sang gobernador nga national government ang nagahatag sang permit sa mga kompaniya kag wala sang jurisdiction sa paghatag sang nagakaigo nga mga papeles ang Local Government Unit.

“Isa na siya sa mga flaws sang aton layi sa mining. Kay under the Mining Act, it is the national government that will give you the privilege and the permit and the authority to conduct exploration and resource utilization ventures… But the problem is, kag bal-an niyo man, nagadiretso na sa wala na nagahapit sa province. Indi man kita gusto nga mag-layering… Pero ti amo na, that is the natural resource of the province,” pahayag ni Defensor.

Nag-conduct na sang inspection ang Provincial Government Environment and Natural Resources Office (PGENRO) sa isla.

Una na nga nag-report ang mga pumuluyo sang isla nga nagapamatok sa pagmina sa Pan De Azucar Island rason nga gilayon ginmanduan ni Defensor ang PGENRO nga bisitahon ang lugar kag magpasa sang report sa iya opisina.

Luyag naman sang gobernador nga ma-rationalize ang pag-conduct sang mining exploration sa probinsiya. —via Fraye Cedrick Anona