ILOILO — Patay ang senior citizen nga nagalakat sang nasagairan sang tricycle sa Brgy. Rizal, Barotac Viejo sang Miyerkules sang gab-i, Agosto 6.
Suno kay Police Corporal Raymond Cabulong, traffic investigator sang Barotac Viejo Municipal Police Station, nagalakat ang senior citizen kag papuli na kuntani sa iya balay sang nasagairan sang tricycle.
Ginpahayag sang police nga wala natalupangdan sang driver sang tricycle ang senior citizen tungod madulom ang lugar.
Gin-detain sa Barotac Viejo Police Station ang driver sang tricycle pero nakaguwa sa presuhan kaina sang hapon tungod natapos na ang reglementary period of detention.
May settlement nga natabo sa tunga sang pamilya sang senior citizen kag driver sang tricycle, suno sa police. — Aksyon Paula Elambayo
