Kagin-ot kag kapaang — ini ang ginareklamo sang mga mall goers kag pila ka mga naga-ubra sa government offices sa sulod sang Robinsons Main Mall sa City Proper.
Sa pagpangusisa sang Aksyon Radyo Iloilo, pila ka bulan antes nagtakop ang 2024 sang nabatyagan ang tuman nga init sa sulod sang mall kag nagpadayon subong nga tuig.
Sa impormasyon nga nakuha sang news team, may ginakay-o sa aircondition system sang mall.
Sa obserbasyon sang news team, mansig bakal sang electric fan ang mga empleyado sang Overseas Workers Welfare Administration (OWWA).
Ginbisitahan man sang news team ang opisina sang Department of Foreign Affairs nga nahamtang sa amo nga mall.
Samtang, naga-diskarte ang pila ka mga nagaobra sa mga stalls agud mabugnawan.
Sa pihak sini, madamo sa gihapon ang nagakadto kag nagalagaw sa mall.
Pila pa ka mga government offices ang nahamtang sa sulod sang mall. Ini amo ang Land Transportation Office, PAG-IBIG FUND, Philippine Regulation Commission, PhilHealth, PhilPost, Department of Migrant Workers, Professional Regulation Commission kag Social Security System.
Ginkadtuan sang Aksyon Radyo Iloilo news team ang management sang mall pero masaku pa ang general manager. — Aksyon Paula Elambayo
