“Level-up” performance ipakita sang Iloilo Provincial government sa Kasadyahan sa Kabanwahanan 2024
ILOILO CITY — Ibida sang Iloilo Provincial Government ang “level-up” performance sang siyam ka mga tribu nga mapasakop sa kasadyahan sa kabanwahanan sa Enero 27, 2024, suno kay Governor Arthur Defensor, Jr.
Ini ang labing una nga nag-organize ang Provincial Government sang Kasadyahan sa Kabanwahanan, isa sa mga highlights sang Dinagyang 2024.
Ginpahayag pa sang gobernador nga ini ang tion nga mapakita sang probinsiya ang nagkalain-lain nga kapiyestahan sang siyam ka mga kabanwahanan pinaagi sa bag-o nga tourism slogan sang provincial government nga “fun, foody, friendly” Iloilo.
Luyag man sang gobernador nga hatagan ang tumalan-aw sang “package” presentation nga mapasundayag sang kultura kag kinaadman sang competing tribes.
Sa masunod nga tuig, hiwaton ang Kasadyahan sa kabanwahanan las-3 sang hapon agud nga mahatagan sang ligwa ang mga competing tribes nga mapreparahan ang kompetisyon.
May siyam ka mga tribu ang mapasakop sa Kasadyahan sa Kabanwahan.
Ginabug-usan ini sang Katagman Festival sang Oton, Saad Festival sang Leganes, Pantat Festival sang Zarraga, Cry of Jelicuon Festival sang New Lucena, Kaing Festival sang Leon, Tultugan Festival sang Maasin, Hirinugyaw-Suguidanonay Festival sang Calinog, Banaag Festival sang Anilao, kag Kasag Festival sang Banate.
P1-million nga subsidy ang ginpangahatag sang Iloilo Provincial Government sa nasambit nga tribu.
