Iloilo City Mayor Jerry Treñas wala napunggan ang magpamuyayaw sang nabasahan ang text message sang taga-NGCP may kaangtanan sa power outage sa Panay

Wala napunggan ni Iloilo City Mayor Jerry Treñas ang magpamuyayaw sang nabasahan ang text messages ni National Grid Corporation of the Philippines (NGCP) Director kag CEO Anthony Almeda may kaangtanan sa sitwasyon subong sang siyudad sang Iloilo nga naga-eksperyensya sang power outage.

Ginpabutyag sang alkalde nga wala niya naluyagan ang pagsabat sa iya ni Almeda sang ginpalab-ut niya ang concern sang siyudad.

Suno kay Treñas, imbes nga hatagan siya sang solusyon sa nagakatabo nga power outages, nagpahibalo pa sa iya sa Almeda nga mapadala sang letchon kag pagkaon halin sa fastfood chain rason nga nakapamuyayaw ang alkalde.     

Madumduman nga New Year’s Resolution ni Treñas ang indi magpamuyayaw subong nga 2024.