Jaro Fiesta malinong kag matawhay —police

ILOILO CITY —Nangin malinong kag matawhay ang selebrasyon sang kapistahan ni Nuestra Senora dela Candelaria kahapon.

Ini ang base sa assessment sang Jaro Police.

Suno kay Police Major Eduardo Siacon Jr, hepe sang Jaro Police Station, ginpa-abot na nila nga madamo sang mga deboto nga mapadulong rason nga nag-request sila sang 75 ka mga police nga i-augment halin sa Iloilo City Police Office.

Ginpabutyag ni Siacon nga pagkatapos sang mga misa sa Jaro Cathedral kag iban pa nga mga aktibidad may kaangtanan sa kapistahan, nagpadayon ang ila pag-monitor sa mga barangay agud masiguro nga wala sang matabu nga mga kinagamo. —via Maria Kayla Tingzon