ILOILO— Naglab-ut sa P11,200,000 ang ginbilin nga kahalitan sang nasunog ang poultry farm sa Brgy. Cabilauan, New Lucena kahapo sang aga, Pebrero 28.
Suno kay Fire Officer 2 Norman Castillare, chief investigator sang New Lucena Fire Station, ini ang kahalitan sa istraktura kag mga manok nga nasunog.
Ginpahayag niya nga naubos sunog ang 40,000 ka mga manok nga isa pa lang ka semana ginsaylo sa Losanes Poultry Farm.
Gina-imbestigaran pa sang BFP ang ginhalinan sang sunog kag sa diin nga parte sang 2 storey building nag-umpisa ang kalayo.
Nagresponde sa sunog ang BFP sang kaiping nga mga kabanwahanan kag mga volunteer groups halin sa syudad.
Gindeklarar nga Fire out las-3:55 sa hapon. — via Aksyon Farrah Mae Morano
