ILOILO — Ginpasakaan na sang kaso nga murder si July Palma, suspek sa pagpatay sa negosyante nga si Rosella Andrada sa Barangay Sablogon, Passi City sang Marso 11.
Ginkumpirmar ni Police Captain Rodjie Panela, deputy sang Passi City Police Station, nga napasaka ang kaso kahapon, Marso 13.
Apang gin-ako ni Panela nga wala pa gid sang may matumod nga motibo sa pagpatay kay Andrada.
Indi pa man maplastar kun si Palma ang gunman lang gid ukon mastermind sa krimen.
Ginpanginwala ni Palma ang kahilabtanan sa pagpatay kay Andrada.
Nadakpan si Palma sa hot pursuit operation sang Passi CIty police sang Marso 12.
